-Almmuhus-
-Almmuhus-
-Almmuhus-
OĐĐASAT– Ventiila dagahan olles Kárášjoga čáze haga

– Ventiila dagahan olles Kárášjoga čáze haga

-

-

Teknihkalaš hoavdas sávvá iežaset nagodit divvut siva beaivvi mielde. Dassážii fertejit olbmot birget čáze haga.

Rávdojoga čáhcedoaimmahagas, mii doaimmaha čázi Kárášjoga márkanii, lea sivva muhtin elektrihkalaš ventiillas.

– Dan geažil lea olles márkka leamaš čáze haga ievttá eahkeda rájes, dadjá Kárášjoga gieldda teknihkalaš hoavda Trygve Nilsen ja joatká:

– Mis leat olbmot dál doppe divodeamen nu bures go nagodit ja mii sávvat nagodit divvut dán beaivvi mielde.

 

Go márkanis ii leat čáhci de dat sáhttá dagahit sihkkarvuođa ovdii.

– Mo jus dál buollá muhtin sajes Kárášjogas?

– Dát ii leat sávahahtti dilli, mis njulgestaga ii leat čáhci ja dát diehttelasat lea riskamomeanta, dadjá Nilsen.

 

Dassážii go dát lea divvojuvvon de fertejit kárášjohkalaččat ain birget čáze haga. 

-Almmuhus-