-Almmuhus-
-Almmuhus-
-Almmuhus-
OĐĐASAT–Vene­zias njuolga Longyear-gávpogii

–Vene­zias njuolga Longyear-gávpogii

-

-

Lieggasis Venezias galbmasii Longyear-gávpogii. Dál galget Sámi ofelaččat  galledit skuvllaid Svalbárddas.

– Dat lea hui somá leat dáppe Svalbárddas. Mus lea álo leamaš miella vuolgit deike, go mu áddjá barggai Store Norske masá olles su eallima, muitala ofelaš Nathaniel H. Larsen (21).

Dehálaš sadji sámi ealáhusaide

Svalbárda ii leat guovlu gos sámit árbevirolaččat leat ássan, muhto sápmelaččat leat leamaš mielde dehálaš ekspedišuvnnain árktalaš guovlluin, nugo Svalbárddas. Ekspedišuvdnajođiheaddjit Nansen ja Nordenskiöld virgádeigga sápmelaččaid árktalaš ekspedišuvnnaide, dan sivas go sámiin lei máhttu birget árktalaš guovlluin.  Nordenskiöldas ledje mielde njeallje sápmelačča su Svalbard-ekspedišuvnnas 1872:s. 

– Dat lea oalle kula diehtit ahte sápmelaččat leat veahkehan daid stuorra polajohttiid ekspedišuvnnain, muhto dattege vajálduvvá dat oassi dávjá historjjás, dadjá ofelaš Ida Emilie Lindseth (20).

-Almmuhus-