-Almmuhus-
OĐĐASATVel viđa olbmos duođaš­tuvvon korona­dávda Romssas

Vel viđa olbmos duođaš­tuvvon korona­dávda Romssas

-

-

Lávvordaga leat viđas ožžon duođaštuvvot koronadávdda ja  oktiibuot 34 olbmo leat covid-19 dihte isolašuvnnas Romssas dál.

Dan viđa olbmos leat golmmas geat gullet seamma njoammungeidnui, ja njealját lea boahtán Romsii olgoriikkas. Viđat olmmoš ássá Romssas, muhto ii leat vel čielggas gos dávda lea sutnje njommon.

– Mii leat čađahan 1000 iskosa dan guovtti maŋemus jándora, danne leat maid vuordán dan. Eai leat buot iskosiin boahtán vástádusat, ja vuordit eanet positiiva vástádusaid dáid beivviid. Njoammunguorranbargu lea ain vuoruhuvvon, čilge suohkana bajitdoavttir Inger Hilse Trandem preassadieđáhusas.

Romsa válljii lávvordaga hilgut koronanjuolggadusaid čavgemis vaikko lea ollu njoammun báikkis. Suohkan oaivvilda ahte sis lea badjelgeahčču njoammundilis.

(©NTB)

-Almmuhus-