Dál viiddiduvvo historjjá guhkimus buohcciviessubargoheaitta vel guvttiin buohcciviesuin. – Jus bággo-soabadeamis ii leat mihkke boađusin, de gal bistá bargoheaitta oba guhká, lohká Rune Fløyland Akademikerne bargiidorganisašuvnnas.
Dál viiddiduvvo historjjá guhkimus buohcciviessubargoheaitta vel guvttiin buohcciviesuin. – Jus bággo-soabadeamis ii leat mihkke boađusin, de gal bistá bargoheaitta oba guhká, lohká Rune Fløyland Akademikerne bargiidorganisašuvnnas.
Dál leat 595 bargi ja 15 buohcciviesu bargoheaitagis.
– Dát bargoheaitta lea dan birra ahte Akademikerne bargiidorganisašuvnnas háliidit kollektiivvalaš suoji badjeláiggi barggus, mii manná bargobiraslága rájiid badjel. Spekter ges háliida ahte buohcciviesut galget sáhttit plánet guhkit áiggi. In oainne ahte dán guovtti áigumuša eai sáhte soahpat, lohká Rune Fløyland, Akademikerne bargiidorganisašuvnnas.
– Lea dušše soahpamuš mii sáhttá buktit dakkár čovdosa ja šiehtadusa mii doaibmá guhkit áiggi, lohká son.
Eambbosat bargoheaitagis
Odne álge 26 doaktára ja psykologa bargoheaitagii Sykehuset Innlandet, Helse Møre og Romsdal, Sunnaas sykehus ja Finnmárkku buohcciviesus.
Dalle leat oktiibuot 595 Akademikerne miellahtu bargoheaitagis oktiibuot 15 buohcciviesus.
Dat leat sihke doaktárat, inšenevrrat, psykologat, bátnedoaktárat, juristtat, ekonomat ja servodatdiehttit.
II dagat heaggavára
– Bargoheaitaga lasiheapmi ii dagat heaggavára, go sii guhte barget heahtedivššus, borasdávdadivššus, psyhkalaš dearvvašvuođadivššus dahje mánáid divššus, eai váldo bargoheaitagii, lohká Frøyland.
