-Almmuhus-
OĐĐASATVejolaš maŋidit loatnamáksima

Vejolaš maŋidit loatnamáksima

-

-

Koronanjoammun lea dagahan ahte máŋggas leat ožžon ekonomalaš hástalusaid go sii masset barggu ja sisaboađu oanehis áiggis. Máŋgasiin lea ge loatna Lånekassenis.

– Mii oaidnit stuorra lassáneami kunddarin geat leat ohcan maŋidit máksima loanas maŋŋá go koronanjoammun duođaid ollii Norgii, dadjá Nina Schanke Funnemark, Lånekassena hálddáhusdirektevra.

Máŋggas ohcan maŋidit

Njukčamánus ledje 23 900 kundara ohcan ja ožžon maŋidit máksima sin studieloanas, diibmá ledje 12 500 olbmo geat dahke dan seamma.

– 90 proseanta eanet kundarat go seamma áigge diibmá leat dál njukčamánus ohcan maŋidit loana máksima  Lånekassenis. Dát čájeha ahte leat máŋggas geain fáhkka leat ekonomalaš hástalusat koronanjoammuma geažil, dadjá hálddáhusdirektevra  Nina Schanke Funnemark,

Lånekassen dieđiha ahte leat vejolaš maŋidit máksit studieloana golbma jagi ja oktiibuot 36 geardde. Itge dárbbaš dieđihit manne háliidat maŋidit mávssu.  

-Almmuhus-