Juovlamánu vuosttaš beaivvi álggii liseansagumpebivdu olggobealde gumpeguovllu. Lea lohpi goddit golbma gumppe Gaska-Norggas, muhto ii ovttage davábeale dan.
Dálkkádat- ja birasdepartemeanta lea meannudan váidagiid go boraspirelávdegottit leat mearridan addit liseansabivddu olggobealde gumppeguovllu.
Ulbmil liseansabivdduin lea muddet máddodaga. Olles riikkas lea vejolaš goddit oktiibuot 26 gumppe olggobealde gumpeguovllu.
Dálkkádat- ja birasministtar Ola Elvestuen (Gurutbellodat) čilge sii dál leat meannudan buot váidagiid mat gusket liseansabivdoeriide olggobealde gumppeguovllu. Lohká sii doalahit lávdegottiid eriid sturrodaga mearrádusa.
Liseansabivdu čađahuvvo eastadan dihtii šibit- ja bohccovahágiid ja muhtun áššiin almmolaš beroštumiid dihtii. Bivdoáigodat lea 01.12.2019-31.05.2020.
Golbma gumppe sáhttá goddit Oarje-Norggas, Mátta-Norggas ja Gaska-Norggas. Opplánddas sáhttá goddit vihtta ja njealját guovllus (Oslo, Akershus, Østfold) ja Hedemárku 12 gumppe.