Dál it dárbbaš go ovtta sadjái dieđihit go fárret.
Dássážii lea leamaš nu ahte jus poastačujuhus rievdá, de ferte dieđihit sihke Vearroetáhta Álbmotregistarii ja Postii. Dál ii dárbbaš šat dákkár duppalbarggu dahkat, dieđiha Vearroetáhta preassadieđáhusas. Ođđa čoavddus dahká ahte go geavaheaddji dieđiha poastačujuhusrievdama Postii, de sáhttá miehtat ahte posten.no beassá juogadit daid dieđuid Álbmotregistariin.
– Dát čoavddus lea buorre ovdamearkan lihkostuvvan digitaliserenovttasbarggus mii geahpida geavaheddjiid árgabeaivvi,dadjá ruhtadanministtar Siv Jensen.
