-Almmuhus-
OĐĐASATVearju­duvvon politiijat ja biila­lihkohis­vuohta

Vearju­duvvon politiijat ja biila­lihkohis­vuohta

-

-

Guokte olbmo leaba váldon gitta go politiijat doamihedje veahkaválddalaš dáhpáhussii Romssas lávvordaga čuovganeapmái. Finnmárkkus fas dieđihuvvo okta biilalihkohisvuohta.

Sihke politiijat ja ambulánsa doamihedje vissui Romssas gos dieđihuvvui veahkaváldin sullii diibmu 03.30.


– Okta nissonolmmoš dikšojuvvui dearvvašvuođabargiin báikkis. Sus leat mearkkat veahkaváldimis, muhto ii leat duođalaččat roasmmehuvan, čállá Romssa politiijaguovlu Twitteris.

– Politiijat mearridedje vearjudit, duođašta Romssa politiijaguovllu operašuvdnajođiheaddji, Karl Erik Thomassen, Nordlys aviisii.

Báikkis válde politiijat gitta ovtta dievddu gean ballet leamaš veahkaválddalaš.

– Dán guovtti olbmos lea gaskavuohta, dadjá Thomassen Nordlys aviisii.

Dán dáhpáhusa oktavuođas lei maiddái eará olmmoš váldon gitta, dan dihte go son lei ohcaluvvon. Guktot leaba dál politiijaid háldogiddagasas ja galgaba gažaduvvot beaivvi mielde, čállá NTB.

Lihkohisvuohta Hámmerfeasttas

Finnmárkku politiijaguovlu dieđihii Twitteris sullii diibmu 15.30 juovlaruohta biilalihkohisvuođa birra Saragammenis, Hámmerfeasta suohkanis. Lei okta personbiila mii lei geavvan eret luottas. Biilavuoddjis duoguštuvvui vuodjinkoarta ja politiijat áigot ášši álggahit.

-Almmuhus-