Vihtta diimmu šadde vearjopolitiijat akšuneret Deanus ovdal go ožžo dievddu gitta gii galgá leat vearjjuin oidnon iežas viesu luhtte.
Bearjadaga maŋŋelgaskabeaivvi dieđihedje politiijat Twitteris ahte muhtin dievdu lea oidnon bissolágan ávdnasiin olggobealde ásodaga.
Politiijat šadde šiehtadallat dievdduin vai čuožžilan dáhpáhus čoavdása.
Váldon gitta
Bearjadaga eahket, beal logi áigge čállet fas politiijat Twitteris ahte dievdu lea váldon gitta ja ii lean makkárge dramatihkka de. Dievddu dolvo Deanu leansmánnekantuvrii.
Burget viesu
– Mii galgat burgit dievddu ásodaga, muitala operašuvdnajođiheaddji Lars Rune Hagen iFinnmarkii.
iFinnmark čállá maid ahte ránnjámánát ledje ain olgun akšuvdnabáikki lahkosis diimmu maŋŋel go akšuvdna álggii, ja politijat eai oaidnán dárbbu evakueret olbmuid, muhto ávžžuhedje olbmuid bissut viesuid siste. Viesus gos dievdu lei, eai lean eará olbmot go son.
