Áibbas ođđa gelbbolašvuođaprográmma kulturealáhusaide lea ráhkaduvvon Finnmárkkus. Earret eará galget fitnodagat oahppat mot buorebut váldit vára vuoigatvuođain.
Áibbas ođđa gelbbolašvuođaprográmma kulturealáhusaide lea ráhkaduvvon Finnmárkkus. Earret eará galget fitnodagat oahppat mot buorebut váldit vára vuoigatvuođain.
Proff Kultur lea áibbas ođđa gelbbolašvuođaprográmma kulturealáhusaide Finnmárkkus.
Proff Kultur galgá buoret vugiin lasihit gánnihahttivuođa ja sihkkarastit árvvuid das maid kulturealáhusat addet.
Dan muitala Hermetikken Kulturnæringshage beaivválaš jođiheaddji Mette T. Westlie, gii lea duogábealde dán gelbbolašvuođaprográmma mii dál galgá čađahuvvot vuosttaš geardde preassadieđáhusas.
Ovttasbarget kultuealáhusfitnodagaiguin miehtá fylkka
Govven: Torill Olsen (preassagovva)
– Mii ovttasbargat kulturealáhusfitnodagaiguin miehtá fylkka, ja bargit ohcalit gelbbolašvuođa šiehtadusain og šiehtadallamiin, lagat kunddarovttasbarggu ja movt buorebut váldit vára sin immatriála vuoigatvuođain. Dál ožžot dan vejolašvuođa, ja mii leat gealdagasas dáinna álgit, dadjá Westlie.
– Vuoigatvuođat mat leat čadnon nu go govaide, filmmaide, designii ja musihkkii leat dehálaš árvvut maid fitnodagat fertejit sihkkarastit, lasiha Westlie.
– Beare dávjá oaidnit mii ahte earát go dáid álgojurdagiid eaiggádat atnet dáid alcceseaset ávkin, go eaiggádat eai leat sihkkarastán iežaset vuoigatvuođaid daidda. Boađus lea ahte sii eai oaččo mávssu, dahje sii eai dieđe gos ja movt dat adnojit. Mii háliidit ahte fitnodagat galget buorebut fuobmát movt sihkkarastit iežaset vuoigatvuođaid praktihkalaččat, dadjá Westlie.
Sávvet nanusmahttet fitnodagaid
– Mii sávvat maid nanusmahttet fitnodagid ovttasbarggu kundariiguin. Sihke formálalaš šiehtadusaiguin ja ságastallamiin. Kundarat leat riggodagat fitnodagide, ja sáhttet addit ávkkálaš buriid jurdagiid fitnodaga ovdánahttimii das maid fitnodagat buvttadit. Lassin lea dehálaš buriid šiehtadusaid sihkarastit sihke kundarii ja fitnodahkii, dadjá Westlie.
Westilie čilge ahte buorre gulahallan kundariiguin dahká ahte fitnodagat buorebut besset čajehit viidodaga ja árvvu das maid sii addet, ja dainna čajehit ahte sin gálvvus lea rievttes haddi, ja kunddar sáhttá maid gergehit iežas vuordámušaid fitnodaga gálvui.
– Mis leat olu hutkás ja buorit kulturealáhusbargit fylkkas. Mii háliidit ahte Proff Kultur galgá sin gelbbolašvuođa nanusmahttit. Dát lea ealáhus mii leat dehálaš Finnmárkui. Buohkat eai dieđe ahte ealáhusat leat dušše gálvogávppašeapmi, vistesnihkken ja rusttegat, industriija ja fivrredeapmi mat bargguid addet. Ealáhus stuorru jođánit, ja stuorru jođáneappot Finnmárkkus go eará sajis Norggas. Lassin dasa lea dá ealáhus mii árvvus atná ja čájeha min kultuvrra, beroštumiid, cegge identitehta ja nanusmahttá oktiigullevašvuođa, ráhkada aktivitehta ja lea ráinnas ealáhus, čilge Westlie.
Álggahuvvo geassemánu
– Proff Kultur álggahuvvo geassemánus ja bistá guhtta mánu. Dat lea digitála fálaldat, mii dahká ahte sáhttá oassálastit vaikko guđe guovllus fylkkas. Lea sadji dušše gávcci oasseváldái dán vuoru, ja mun sávan dat lea fálaldat man kulturealahusat bures vuostá váldet, loahpaha Westlie.
