-Almmuhus-
-Almmuhus-
OĐĐASAT Veahá lassáneapmi johtolatlihkuhisvuođain geasset

Veahá lassáneapmi johtolatlihkuhisvuođain geasset

-

-

Máŋggas ledje vuordán geasi mas leat ollu lihkohisvuođat, go máŋggas galge mátkkoštit Norggas dán jagi. Dál čájehit Gjensidige logut ahte dán jagi leat sullii seamma olu lihkohisvuođat go diibmá. 

Bárttit leat dušše 3 proseantta lassánan oktiibuot, ja roasmmehuvvan biillat ja láigobiilla atnu lea lassánan 8-9 proseanttain.

– Dat lea buorre, ja dat čájeha ahte eanaš norgalaččat váldet johtolatsihkarvuođa duođalaččat, lohká Gjensidige kommunikašuvdnahoavda Bjarne Rysstad. Son namuha maid ahte leat leamašan máŋga duođalaš lihkohisvuođa. Juohke duođalaš lihkohisvuohta lea surgat, ja lea okta beare olu. 

– Politiijat, geat suoidnemánu álggus balle ahte šaddet ollu lihkuhisvuođat geasset, leat bures dárkkistan johtolaga. Dat leat váikkuhan ahte leat buori logut. Lihkus ii leat šaddan nu vearrái go politiijat ja earát balle, lohká Rysstad.

-Almmuhus-