Máhttodepartemeantta addá studeanttaide mat leat universitehtas ja allaskuvllas eambbo máškideami go čađaha práksisa.
Koronavirus dahká váddáseappon muhtun studeanttaide čađahit praksisáigodaga. Muhtun praksissajit leat giddejuvvon njoammunvára dihte, dego mánáidgárddit ja skuvllat. Otná dilli addá hástalusa universiteahtaide ja allaskuvllaide deavdit gáibádusaid rievttes áiggis.
– Dal mii gaskaboddosaččat rievdadit njuolggadusaid, vuoi studeanttat eai maŋŋon sin oahpahusas, dadjá dutkan- ja alit oahpuministtar Henrik Asheim (O).
Go dal bohte rievdadusat, de sáhttet universitehtat ja allaskuvllat bidjat gaskaboddosaš doaimmaid ja spiehkastagaid maid sii meroštallet leat dohkálaččat ja dárbbašlaččat.
Dat gaskaboddosaš rievdadus guoská daidda oahpuide mat leat regulerejuvvon rámmaplána bokte dahje nationála njuolggadusain, ovdamearka dihte buohccedivššároahput ja oahpaheaddjeoahput.
(©NTB)
