Norgga Prinseassa Märtha Louise ja Ari Behn leaba mearridan earránit.
Norgga Prinseassa Märtha Louise ja Ari Behn leaba mearridan earránit.
– Eallin ii álo mana njuovžilit. Dan ledne sihke mun ja Ari vásihan. Muhto dat šaddá eanemus čielggasin go eallin de mohkkasa nu mo ean lean jurddašan. Dáid beivviid oainnát earránetne moai. Moai loahpahetne náittosdili, muhto bisso ovttas váhnenvuođas, lohká Prinseassa Märtha Louise preassadieđáhusas man Norgga Gonagasviessu almmuhii bearjadateahkeda.
14 jagi náittosdilis
Prinseassa Märtha Louise ja Ari Behn náitaleigga Nidarosdomenis Troanddimis miessemánu 24. beaivvi 2002:s.
Sudnos leat golbma nieiddaža.
– Ii sáhte sániiguin čilget
Prinseassa joatká orrut Lommedalenis. Ari Behn ges ássagoahtá eará viesus mánáideaska lagas birrasis.
– Ii sáhte sániiguin čilget man váivi munnuide lea fuomášit dan ahte ovddasguvlui ii mana luodda fárrolaga nu mo lávii. Moai ledne nu mo nu olusat earát, šaddan guovtteguvlui, sajiide gos ean šat deaivvat nu mo ovdal dagaime. Lea máilmme váivi vásihit ahte ean sáhte šat eambbo dahkat. Buot maid ledne geahččalan guhkit áigge, ja go liikká ean deaivvat gokko ovdal láviime, dagaha ahte lea munnuide lea veadjemeahttun joatkit.
– Sihke bávččas ja váivi
Prinseassa Märtha Louise ja Ari Behn, ovttas sudno mánáiguin, fitne diibmá Kárášjogas borgemánu 10 beaivvi.
Dalle ledje priváhtaluomus fárrolaga olles gonagasbearrašiin.
– Go náittosdilli botkejuvvo de dat guoskka máŋgasii, lohkaba Majestehtat Gonagas ja Dronnet.
– Lea sihke bávččas ja váivi, maiddái midjiide geat leat birra. Mii leat buorit Arii ja leat giitevaččat buot daid ovddas maid leat vásihan fárrolaga bearašin. Mis boahtá leat buorre oktavuohta Ariin maiddái boahtteáiggis, cealkiba Gonagaspárra.
