Finnmárkku fylkkagieldda sisaváldinkantuvra lea sádden fálaldat- ja biehttalanreivviid joatkkaskuvlaohcciide. Vuosttaš vuoru leat meannudan ohcamiid sis geain lea vuosttašriekti ja individuála árvvoštallan.
Finnmárkku fylkkagieldda sisaváldinkantuvra lea sádden fálaldat- ja biehttalanreivviid joatkkaskuvlaohcciide. Vuosttaš vuoru leat meannudan ohcamiid sis geain lea vuosttašriekti ja individuála árvvoštallan.
Finnmárkku fylkkagielda vuordá dál vástádusaid sis geat leat ožžon fálaldat- dahje biehttalanreivviid joatkkaskuvlii. Vuosttaš vuoru meannudit sin ohcamiid geain lea vuosttašriekti ja individuála árvvoštallan. Dan dieđiha Finnmárkku fylkkagielda preassadieđáhusas.
Heivehuvvon oahpaheapmi
Dat lea joavku geain lea dárbu spesiála oahpaheapmái ja heiveheapmái. Ohcciid hástalusat lea dakkárat mat váikkuhit skuvlavázzima, ja maid skuvllat ja ohcci doarjjabiras fertejit olu heivehit ovdal skuvlaálgima.
Ohccit geat leat ožžon skuvlafálaldaga fertejit vástidit ovdal miessemánu 13. beaivvi
Ohccit geat dál eai vel beassan skuvlii, sirdašuvvet dábálaš sisaváldimii. Dat dáhpáhuvvá suoidnemánu álggus. De ožžot buot ohccit Finnmárkkus geain lea nuoraidriekti vástádusa.
