-Almmuhus-
-Almmuhus-
OĐĐASATVásihit juovla­hušša cuoŋo­mánus

Vásihit juovla­hušša cuoŋo­mánus

-

-

Dál diŋgojit olbmot nu olu páhkaid interneahtas ahte poasta ávžžuha olbmuid johtilit viežžat páhkaid go dat jovdet poasttakantuvrraide. 

Poasta mielde sáddejuvvojit dál seamma olu páhkat go juovllaid. 

– Mii eat leat hárjánan juovlahuššii cuoŋománus. Diehttelasat illudit go mis lea ná olu bargu, muhto go ná olu páhkat sáddejuvvojit, de ávžžuhit olbmuid daid viežžat nu jođánit go jovdet sin poastabáikái, dadjá Poasta preassajođiheaddji Kenneth Tjønndal Pettersen. 

Go ná olu páhkat sáddejuvvojit, de lea Poasta gártan bidjat seamma olu olbmuid bargui go juovllaid áigge. Poastta dieđiha ahte muhtin páhkat sáhttet maŋŋonit. 

Diibmá gávppašedje norgalaččat 48 proseantta eanet neahta bokte, ja neahttagávppašeapmi lassána dán jagi maid. Eai goassege ovdal leat nu oallugat diŋgon páhkaid gitta ruoktot ge. 

(©NTB)

-Almmuhus-