-Almmuhus-
-Almmuhus-
OĐĐASATVáruhit skohtera bođuid fievrredeames

Váruhit skohtera bođuid fievrredeames

-

-

Beassážiid áiggi geasehit olbmot eanemusat skohteriid. Stáhta geaidnodoaimmahat ávžžuha olbmuid sihkkarastit ahte skohter ii fievrreduvvo bođuid.

Giđđa lea boađi boađi davvin maiddái ja olusat leat dál loahpaheamen iežaset skohteráigodaga. 

 – Mii leat vásihan ahte olusat fievrredit beassážiid áigge skohtera barttasajiin ja dolvot daid vuorkkáide. Dađe bahábut oaidnit mii ahte olusat šluđut sihkkarastet skohtera. Mii leat oaidnán ovdamearkkaid go olbmot fievrredit muohtaskohteriid pick-up biillain mas skohter heaŋgá olggobealde biilaravdda dahje lea bođuid biddjon goallosjorrái. Muohtaskohter lea lossa vuoján, ja jus dan ii sihkkarastte doarvái bures, de lea johtolahkii váralaš, lohká Stáhta geaidnodoaimmahaga ossodatjođiheaddji Helle Torill Sandvik preassadieđáhusas.

 

Goallosjorrikalkuláhtor

Jus vuoját goallosjorriin, de lea dehálaš ahte dus lea sihke vuodjinkoarta ja biila mainna lea lohpi geasehit goallosjorri. 

– Njuolggadusat čadnon goalosjorri geaseheapmái sáhttet leat moalkát oahppat. Mun ávžžuhan du danin geavahit min goallosjorrikalkuláhtora man gávnnat neahttabáikkis: vegvesen.no dahje min appas: «Bil og henger», lohká Sandvik.

 

Riska gildojuvvot vuodjimis

Stáhta geaidnodoaimmahat lea ovddit jagiid čuvvon dárkilit mielde mo skohter fievrreduvvo, ja lohpidit maiddái dán jagi čuovvut dárkilit mielde.

– Min olgodárkkistanjoavku lea dáid beassážiid maid barggus. Jus bissohuvvot skohteriin mii ii leat doarvái sihkkarastojuvvon, de sáhtát gildojuvvot vuodjimis viidásabbot ja fertet das bissut dassái go oaččut molssaevttolaš fievrrideami, joatká Sandvik. 

-Almmuhus-