-Almmuhus-
-Almmuhus-
OĐĐASATVáruhit eambbo lihkohisvuođaid – Ále hohpohala vuojedettiin!

Váruhit eambbo lihkohisvuođaid – Ále hohpohala vuojedettiin!

-

-

Dál lassánit biillat geainnuid alde, go olbmuin nohkagoahta luopmu. Dáhkádusfitnodagat sávvet ahte olbmot baicce vudjet várrogasat, eaige hohpohala ruoktot.

Čakča láhkona ja olbmot bijádit ruoktot maŋŋel geasseluomu. Dát dágaha ahte lea eambbo johtolat ja olu biillat geainnuid alde. Dat fas mielddisbuktá ahte lea stuorát vejolašvuohta geavvat bártái dahje lihkohisvuhtii.

– Mii ávžžuhit olbmuid várrogasat vuodjit. Alla leahttu ja meaddelvuodjimat sáhttet ráhkadit váralašvuođaid, sihke alcces ja earáide, muitala preassadieđáhusas lihkuhisvuođaeasttadeaddji, Therese Hofstad-Nielsen Fremtind:s.

Statistihkat Fremtind:s čájehit ahte dábáleamos bárttit leat go vuodjá nuppi njeaiga maŋábealde, vudjet bisánan biillaid njeaiga,  ja go murdila nuppi biilla njeaiga.

– Don sáhtát ieš maid leat mielde eastadeamen vahágiid. Čuovut mielde mo johtolat rievdada, čuovut mielde go vuoját, ja itge čuokko mátketelefovnna, čilge Hofstad-Nielsen.

-Almmuhus-