-Almmuhus-
-Almmuhus-
OĐĐASAT Váruhit ahte apotehkat streike­gohtet

Váruhit ahte apotehkat streike­gohtet

-

-

Parat ja Virke álggahedje riikka apotehkateknihkkáriid bálkášiehtadallan soabadeami maŋŋebárgga. Jus bealit eai soabat, de streikegohtet Apotek 1 ja Boots apotehkateknihkkárat gaskavahkku iđida rájes. 

Parat bargiidfágalihttu mii šiehtadallá Farmasilihtu ovddas, eai juksan ovttaoaivilvuođa dán jagáš farmasisoahpamuša šiehtadallamiin, dieđiha ntb.no preassadieđáhusas. Soahpamuššii gullet Apotek 1, Boots apotehka ja apotehkat mat eai gula ráidoapotehkaide, apotehkateknihkkárat.

Jus eai soabat, de deaivvadit bealit Riikkasoabaheaddji luhtte skábmamánu logát beaivvi. Riidu lea das, miehtá go bargoaddi addit apotehkateknihkkárriidda dábálaš 37,5 tiibmosaš bargovahkku nu mo lea eará  Norgga bargiin dán áiggi. Bargit háliidit ieža beassat mearridit váldet go dan badjel áiggi friijabeaivin dahje bálkán. Apotehkateknihkkárat háliidit ahte sis lea seammalágan bargodilli ja bálká nu mo eará apotehkabargiin. 

-Almmuhus-