Ollugiin lea russaáiggis alkohola guovddážis. Muhtin juhkanmállet maid earát ávžžuhit, sáhttet leat heaggavárálaččat - erenoamážit nieiddaide.
Ollugiin lea russaáiggis alkohola guovddážis. Muhtin juhkanmállet maid earát ávžžuhit, sáhttet leat heaggavárálaččat - erenoamážit nieiddaide.
Álbmotdearvvašvuođa Mirkodiehtojuohkin lea geahčadan russaid čuolbmanjuolggadusaid. Ollu njuolggadusain galgá juhkat vissis mađe alkohola mearriduvvon áiggis ja sáhttá addit jámolaš promilla, dieđiha Álbmotdearvvašvuođainstituhtta.
Dieđit jus ovttasge hedjona foarbma
– Sáhttá leat hirbmat várálaš jus jođánit jugista ollu alkohola. Lea hui várálaš juhkat nealgečovjjiin go alkohola jávkkeha jođánit varrii. Fertet dieđihit dearvvašvuođabargiide jus oainnát ahte muhtin šaddá heajos forbmii, muitala Mirkodiehtojuohkima seniorráđđeaddi Liv Ingrid Flø Beck.
Nieiddain ja bártniin lea stuora erohus
Mirkodiehtojuohkin lea rehkenastán man alla promilla nieida mii deaddá 50 gilo ja okta bárdni gii deaddá 75 gilo oažžuba jus čuovvuba daid čuolbmanjuolggadusaid áigemearis.
Leat teorehtalaš logut, ja sáhttá maid leat stuora erohus symptomain olbmos olbmui geain lea seamma alla promilla. Jus lea mirkkohuvvan alkoholain, de leat symptomat mat mearridit makkár divššu ferte bidjat johtui.
Nieiddain šaddá dávjá alit promilla go bártniin jus juhket seamma ollu alkohola. Sivvan dasa lea go alkohola manná čáhccás rumašgođđosii nu go dehkiide. Bártniin leat dávjá eanet deahkit ja stuorát rumaš go nieiddain, ja alkoholas lea eanet čáhci gosa sáhttá juohkásit.
Váruha jođánit jugisteames
– Juhkat jođáneamos lági mielde addá alla promilla oanehis áiggis ja sáhttá leat hirbmat várálaš, muitala Beck.
Promilla šaddá beare allat, ja ii šat nagot ieš bissehit man ollu juhká go livččii guhkit áiggi badjel juhkan. Dalle nagoda olmmoš heaitit juhkamis dahje unnidit juhkama jus dovdá ahte foarbma hedjona.