Romssa Fylkkamánni ávžžuha buohkaid vánddardit várrogasat meahcis dáid beassážiid, erenoamáš várrogasat jus bohccot leat lahkosis.
Romssa Fylkkamánni ávžžuha buohkaid vánddardit várrogasat meahcis dáid beassážiid, erenoamáš várrogasat jus bohccot leat lahkosis.
Romssas leat dál hui váttis guohtondilli bohccuide, ja vel go beassážat leat jur boađi boađi, de ávžžuha fylkkamánni olbmuid vánddardit várrogasat.
Dan čállá Romssa Fylkkamánni preassadieđáhusas.
Jikŋon guohtumat
Sii čállet ahte maŋŋel juovllaid leat leamaš bivvalat ja fas buolaštan, sihke arvi šláhtti ja borga.
Dat lea dagahan ahte leat jikŋon stuora oassi dálveguohtuneatnamiin.
Dat fas mielddisbuktá ahte ii leat doarvái buorre ealáhat, ja bohccot hedjonit.
– Muohttaga vel lea bidjan, nu ahte lea váttis dilli bohccuin dál. Dan geažil eai galggaše vuorjašuvvat, čállá fylkkamánni.
Rávvagat
Fylkkamánni rávve olbmuide movt galget láhttet jus deivet bohccuid badjelii:
– Jus boađát bohccuid duohkái, de garvve daid, dahje čuoččo beare jaska nu ahte dat beare besset iežaset leahtuin mannat gosa leat mannamin.
– Muitit maid ahte beana galgá báttis leat.
