Deanu gielddastivra lea várren 100.000 ruvnno giellaovddideapmái, maid HOOK juohká ohcamušaid vuođul.
Deanu gielda čállá ahte ulbmil dáinna doarjagiin lea juolludit ruđa doaimmaide mat ovddidit sámegiela ja kulturgeavahusa Deanu servodagas. Joavkkut, searvvit ja fitnodagat sáhttet ohcat.
– Dán jagi mii vuoruhit mánáid ja nuoraid gielladoaimmaid, gielladoaimmaid ja álgooahpahusa rávisolbmuide, arenahuksema aktiiva sámegillii ja kulturgeavahussii, doaimmaid mat buoridit giellaovdáneami sámi ealáhusain ja muđui doaimmaid mat leat erenomážat, čállá Deanu gielda.
Ohcanáigemearri lea cuoŋománnu 25. beaivvi, ja ohcamušat meannuduvvojit Fuolahus, bajásšaddan ja kultuvra váldolávdegottis miessemánu 10. beaivvi.
