Guovdageainnu suohkanstivrra čoahkkimii ledje máŋggas dieđihan ahte eai boađe, mii mielddisbuvttii ahte ledje máŋggas eret, ja máŋga várrelahtu gohččojuvvon čoahkkimii.
Guovdageainnu suohkanstivrras galget leat 19 áirasa go lea dievas suohkanstivračoahkkin.
Odne eai lean go 15 áirasa geain lei vejolašvuohta boahtit suohkanstivračoahkkimii masa sátnjejođiheaddji lei gohččon.
Dat čoahkkin lei 2018 vuosttaš suohkanstivračoahkkin.
Njeallje várrelahtu ledje boahtán ja olles njealji áirasii fas ii lean boahtán várrelahttu. Dat mielddisbuvttii ahte ledje dušše 15 áirasa boahtán suohkanstivračoahkkimii.
Váttis giđđat
Guovdageainnu sátnejođiheaddji, Johan Vasara (Bb), lohká ahte lea álot váttis čohkket fásta áirasiid giđđačoahkkimii, ja nu lei dál maid.
– Livičči dieđus buorre go fásta áirasat leat čoahkkimis, muhto olbmuide ii heive álot go giđđat leat várra doaimmat olbmuin mat dagahit ahte eai sáhte boahtit čoahkkimii, lohká son.
Ohcat virgelobi
Vasara lohká maid ahte lea vejolaš ohcat virgelobi jus lea eará doaimmain, gos sáhttá dan dahkat.
– Nu go Sámedikkis lea, de vejolaš ohcat virgelobi dan ovtta beaivái go suohkanstivra lea. Mun lávejin dan dahkat go ieš ledjen Sámedikkis. Suohkanstivra ii leat eambbo ovtta beaivvi, ja Sámedikki dievasčoahkkin bistá olles váhku, lohká son.
– Mii fertet geahččalit gávdnat rivttes dáhtoniid vai heive eatnasiidda, ja dan lea mii maid dahkan juovlamánu čoahkkimis. Muhto dát čoahkkin šattai dál ná, lohká son vel lohapas.
Eret: | Várrelahtu: |
Johttisápmelaččaid listu: | |
Hans Ole Eira | Nils Henrik P. Sara |
Henrik A. Sara | Berit Anne Oskal Kemi |
Inga Maybritt Bongo | Ii oktage boahtán |
Dáloniid listu: | |
Isak Mathis O. Hætta | Ii oktage boahtán |
Ellen Anette Hætta | Ii oktage boahtán |
Gurutbellodat: | |
Anton Dahl | Berit Anne S. Triumf |
Isak Ole J. Hætta | Ii oktage boahtán |
Sámeálbmot bellodat: | |
Klemet Erland Hætta | Johan Anders Somby |