-Almmuhus-
-Almmuhus-
OĐĐASAT Varraaddit lassánan

Varraaddit lassánan

-

-

5600 ođđa varraaddi leat dieđihan iežaset riika varrabáŋkkuide. Dat lea duppaliid nu ollu go diibmá dáid muttuid.

– Illudahtti go ná oallugat háliidit leat varraaddit. Mii háliidit giitit sin geat dahket dan go das lea juohke olbmo heggii ávki, go de eat manat ovttage olbmo dainna go varra váilu, čállá ESA, geas lea ovddasvástádus varraaddiprográmmas Rukses ruossas. Go ii sáhte goanstavara ráhkadit, muhto ferte adnot albma olbmo varra, mii ii riibba nu guhka, de dárbbahuvvo varas vara čađat.

 

Vaikko lassanit ge ođđa varraaddit juohke jagi, de leat dađibahábut máŋggas geat heitet maid addimis vara iešguđet ákkaid dihte.

Juohke jagi mii dárbbahit 30.000 ođđa varraaddiid vai nanusmuvva varradárboráhkkaneapmi Norggas.

 

Varraaddit dehálaččat

Go leat nu ollu varraaddit juohke jagi, de cevzet duháhiid mielde olbmot borásdávdda, váttis riegádahttimiid, duođalaš lihkohisvuođaid ja buollima geažil hávvademiid.

 

Dálkasat mat heakka doalahit ja dikšumiid maid mii atnit diehttelassan gávdnojit go olbmot bidjet iežaset áiggi addit juoidá alddineaset.

Eallimis boahtá juohke nubbi olmmoš dárbbahit juogalágaš divššu varain.

Liikká leat varraaddit unnit go guokte proseanta Norgga álbmogis.

- Advertisement -
-Almmuhus-