-Almmuhus-
-Almmuhus-
OĐĐASATVárohit šaddat stuora giđđadulvvi dán jagi

Várohit šaddat stuora giđđadulvvi dán jagi

Journalista

-

-

Leat guovlluin Lulli-Norggas, Finnmárkkus ja Davvi-Romssas gos lea stuorámus várra dulvat dán jagi.

– Dan valljis muohttaga dihte mii lea boahtán dán jagi, de lea stuorát várra šaddat stuorát dulvi dán giđa go muđuid láve, lohká hydrologa ja dulvedieđiheaddji Inger Karin Engen.

 

Ii leat vuos sihkkaris diehtu

Lulli-Norgga váriin lea stuorámus várra dain stuorimus jogain dulvat ollu. Maiddái Finnmárkkus ja Davvi-Romssas lea stuorát várra stuora dulvviide, erenoamážit Finnmárkku duoddara jogain, muhto maiddái rittu lahka.

– Finnmárkkus ja Davvi-Romssas lea 40-60 proseantta dulvevárra mii lea oránša dásis. Dulvi sáhttá leat rukses dásis, muhto mii eat oainne ahte ollet dan dássái dán jagi, lohká Engen.

Son deattuha ahte analysa ii leat várrehus, muhto muitala ahte sáhttá šaddat stuora giđđadulvi iešguđet báikkiin Norggas. Analysa ođasmahtto juohke nuppi vahkku dás ovddos guvlui.

-Almmuhus-