Eurohpalaš Birasdoaimmahagas (EEA) várohit boahtteáiggis veadjá Eurohpa vásihit eambbo dulvviid, eatnangoikama ja meahccebuollimiid. Riikkat fertejit ráhkkanit buorebut.
EU ii sáhte beare bargat vuolidit klimágássaluoitima, muhto ferte maid heivehit váikkuhusaide, čujuha doaimmahat mii dan vahkku almmuhii kárttáid mat čájehit movt dálkkádatrievdan boahtá čuohcat daid iešguđet riikkaide.
EU-parlameantta biraslávdegotti jođiheaddji, Pascal Canfin, doarju sáttasáni.
– Mii fertet otne álgit ráhkkanit vuoi eastadit ahte guovllut eai oppalaččat jávka kárttas. Go guhkit vuordit, de šaddá stuorat šohkkan, dadjá son.
Vaikko riikkat máilmmis livčče meinnestuvvat unnidit klimágássaluoitimiid, de einnosta EEA ahte dálkkádatrievdan boahtá lihkka šaddat vearrábun. Ekstremadálkkit bohtet ráhkadit bártit nugo dulvvi, eatnangoikama, meahccebuollimiid ja ekstrema ulličáhci. Dat boahtá čuohcat sihke ekovuogádahkii, ekonomiijai, olbmuid dearvvašvuhtii ja čálgui, čujuha EEA.
(©NTB)
