Unjárgga gielda almmuha ahte lea ovddiduvvon nammaášši Várnjárgii.
Kvena báikenammakonsuleanta lea ovddidan ášši Unjárgga gildii, mas áigu kvenanama Várnjárgii. Nammakonsuleanta lea čohkken kvena báikenamaid báikkálaš olbmuin, mat leat vuođđun daidda gaskaboddosaš neavvagiidda, Varenkinniemi dahje Varinkinniemi, čállá Unjárgga gielda.
Unjárgga gielda almmuha ahte nammaášši lea váldon vuhtii ja nu besset báikkálaš organisašuvnnat buktit cealkámuša áššis. Gielddas lea maid riekti buktit cealkámuša áššis go lea Kártadoaimmahat, ii ge gielda, mii lea luonddunamaid čállinvuogi mearrádusorgána. Dasa lassin lea fylkkagielddas maid cealkinriekti, go lea sáhka báikenamain mat gusket eambbo go dušše ovtta gildii.
