Eiseválddit ávžžuhit olbmuid doalahit gaskka earáide. Dát lea stuorra hástalus čalmmehemiide ja čalbmevánat olbmuide, erenoamážit sidjiide geain lea oahpistanbeana.
Gaskavahku, cuoŋománu 29. beaivvi, lea Oahpistanbeatnagiid beaivi. Jahkásaččat čujuha Norges Blindeforbund dahje Norgga čalmmehislihttu sierra fáddái ja dán jagi lea fáddán: Oahpistanbeana – veahkki ja skihpár árgabeaivvis, dieđihit sii preassadieđáhusas.
– Oahpistanbeana lea oahppan garvit hehttehusaid, muhto beana ii leat mašiidna, nu ahte lea váttis dasa doalahit guovtte mehter gaskka. Danin lea hirbmat dehálaš ahte mii earát leat deasttalaččat go olmmoš geas lea oahpistanbeana boahtá min ovddal, lohká Norges Blindeforbund jođiheaddji Terje André Olsen.
