Duktit ballet ahte guorkáparasihtta riebanis lea olleme Norgii. Guorká sáhttá buktit heaggavárálaš borasdávdda jus borrá murjjiid maidda lea njommon.
Duktit ballet ahte guorkáparasihtta riebanis lea olleme Norgii. Guorká sáhttá buktit heaggavárálaš borasdávdda jus borrá murjjiid maidda lea njommon.
Dát guorká (dár.bendelorm) njoammu olbmui jus borrá murjjiid maid njeaiga rieban lea gožžan ja guođđán guorkámoniid.
Heidi Enemark lea parasittologa Šibitdoavtterinstituhtas, ja son ii loga beassat dán parasihtas mii dál lea ollen Ruŧŧii ja mii juo lea leavvan Danmárkkus.
– Gávdnojit nu olu eallit luonddus mat buktet dávddaid rájiid badjel. Go Ruŧŧii vuos lea boahtán, lea dat fargga Norgga mehciin maid, dadjá son NRK:.i
Borasdávdda vuoivasii
Parasihtta sáhttá olbmui dahkat borasdávdda vuoivasii. Dat borasdávda šaddá njozet, ja lea ge váttis fuomášit leat go parasihttamuorjjit dan dagahan. Easkka máŋga jagi maŋŋel go lea borran murjjiid, buohccá dávdii, čilge Enemark.
Ferte bassat
Parasihtta ii leat várálaš gal elliide, muhto bussát ja beatnagat mat leat leamaš Ruoŧa dahje Danmárkkus sáhttet guoddit parasihta, ja daid ferte dálkkodit. Danne lea dutki mielas dehálaš muitit ahte jus váldá elliid dálkkotkeahttá ráji badjel, de lea fárus viežžame parasihtaid Norgii.
– Muhto dán rádjai ii leat duođaštuvvon dat parasihtta lea Norggas, ii ge dárbbaš heađásnuvvat. Jus bassá murjjiid ovdal go daid borrá, de lea unnán njoammunvárra, dadjá son NRK:i.
