Guovvamánus celkui Livššu diggerievttis historjjálaš duopmu gaskal Vapsten čearu ja Vapsten Lappby. Das lea sáhka geas lea boazodoalloriekti Vapstena guovllus, Västerbottenis Ruoŧas. Dál geahččaluvvo ášši alit instánssas – lágamannarievttis
Lei 2019 skábmamánus go moadde lullisápmelačča Vapsten Lappby namas stevdnejedje Vapsten čearu go sii oaivvildit ahte sis lea maid riekti bargat bohccuiguin, guolástit ja bivdit Vapstena čearu eatnamiin vaikko eai leat čearu miellahtut. Ruoŧas galgá čearu miellahttu ovdal go lea riekti boazodollui, bivdui ja guolásteapmái čearu eatnamiin.
Seamma riekti
Livššu diggeriekti celkkii guovvamánu 2020 duomus ahte lullisápmelaččat dehe moadde miellahtu Vapsten Lappbys eai leat ožžon vejolašvuođa leahkit čearu miellahttun, ja ahte sis lea seamma riekti boazodollui go Vapsten čearu miellahtuin. Dan duomus lea vuođđun doloža áigge geavaheapmi.
Sihke Vapsten čearru ja Vapsten Lappby váide ášši. Dál geahččala Lágamannariekti Alit Norrlánddas Ruoŧas ášši. Dáhton ii lea vel biddjon. Dan dieđihit P4 Västerbotten
