Ođđa almmuheapmi lea suoidnemánu 3. beaivvi diibmu 11-13.
Sámiid Vuorká-Dávvirat bovde buot berošteddjiid searvat ođđasit-almmuheapmái ja geahččalit sin digitála ofelačča. Áppa lea viiddiduvvon Kárášjoga ja Porsáŋggu olgoduovdagiin, buot RiddoDuottarMuseaid ossodagaide. Dát ossodagat leat Sámiid Vuorká-Dávvirat Kárášjogas, Porsáŋggu musea, Guovdageainnu gilišillju ja Jáhkovuona musea.
Ođđasit-almmuheapmi dáhpáhuvvá Sámiid Vuorká-Dávviriid olgomuseas. Ođđa almmuheamis guossohuvvo dollagáffe ja juoidá borrat. Guossit bovdejuvvojit sosiálalaš ovttastallamii dan botta go geahččalit áppa ođasmahttima telefovnnas. Guossit leat maid bures boahtimat váldit mielde juoidá bassit dolas.
Museat praktiserejit eiseválddiid, Helse Norge ja Álbmotdearvvašvuođainstituhta njoammunsuddjennjuolggadusaid.
