Hilde M. G. Danielsen lea válljejuvvon Sosialisttalaš gurutbellodaga guovddášstivrra 1. várreláhttun ja beassá buot guovddášstivrra čoahkkimiid čuovvut.
Dán vahkkoloahpa lágiduvvo Sosialisttalaš gurutbellodaga jahkečoahkkin ja doppe válljejuvvui Hilde M. G. Danielsen guovddášstivrra 1. várreláhttun.
– Dá lea munnje stuora gudni ja lávken dán doibmii vuollegašvuođain. Dát rolla lea hui dehálaš Sosialisttalaš gurutbellodaga guovddáš politihkalaš barggu ektui, lohká Danielsen preassadieđáhusas.
Danielsen lea Sosialisttalaš gurutbellodaga sámepolitihkalaš foruma jođiheaddji Trøndelágas, Sosialisttalaš Gurutbellodaga sámepolitihkalaš riikkaráđi láhttu, Plassje Sosialisttalaš gurutbellodaga suohkanstivraáirras ja Trøndelága Sosialisttalaš gurutbellodaga 2. evttohus stuoradiggeválggaide.
