-Almmuhus-
OĐĐASATVálljejuvvui presideantan

Válljejuvvui presideantan

-

-

Vibeke Larsen lea dál válljejuvvon sámediggepresideantan.

Odne válljii Sámedikki dievasčoahkkin Bargiidbellodaga Vibeke Larsena ođđa sámediggepresideantan.

– Min višuvdna lea ahte áigut guođđit juoga mii lea eambbo mávssolaš boahtte bulvii, go dat maid mii ieža leat ožžon ovddit buolvvas, logai Larsen iežas sártnis ovdal go válljejuvvui.

– Mii áigut nannet Sámedikki gulahallama eará ásahusaiguin, mii áigut nannet sápmelaččaid searvama demokratiijii, ja mii áigut oččodit eambbo sápmelaččaid jienastuslohkui, logai Larsen earret eará.

 

Iežas sártnis namuhii earret eará giellagáhttema, boraspirepolitihka ja mearrasámipolitihka.

 

Dan maŋŋil jienastuvvui, 14 jienastedje vuostá ja 22 dorjo Larsena.

Maŋŋil go válljejuvvoi, de gohččojuvvui ođđa presideanta boahtit sárdnestullui ja ovdanbuktit geat su ođđa ráđis leat.

 

Ođđa ráđis leat:

Ronny Wilhelmsen, Bargiidbellodagas, guhte šaddá várrepresideantan

Mariann Wollmann Magga, Bargiidbellodagas

Lars Filip Paulsen, Olgežis

Inger Eline Eriksen, Árjjas

 

Diet viđas eai leat dasto šat sámediggeáirasat, go Sámedikkis čuvvot parlamentarismaprinsihpa. 

Sin várrelahtut šaddet dasto dábálaš áirrasin.

 

 

-Almmuhus-