Máhttodepartemeantta lea válljen stivralahtuid Norgga árktalaš universitehta stivrii, ja sin searvvis lea sámediggepresideanta Aili Keskitalo.
UiT Norgga árktalaš universitehta stivrii leat válljen ođđa jođiheaddji ja stivralahtuid.
Máhttodepartemeantta lea nammadan Marianne Elisabeth Johnsena stivrajođiheaddjin. Son lea eret Bærumis ja sus lea guhkes hárjánupmi jođiheamis sihke ealáhus- ja servodatsurggiin. Johnsen dovdá Davvi-Norgga go lea maiddái stivrajođiheaddji Norgga mearraborramušráđis.
Máhttodepartemeantta lea maiddái válljen stivrii professora ja Uppsala universitehta várrerektora Anders Malmberga, sámediggepresideantta Aili Keskitalo ja NHO guovlludirektevrra Christian Chramera.
Sin várrelahtut leat Trude Slettli ja Arve Ulriksen.
Universihtetalahtut
UiT bealis leat válljen vihtta áirasa ođđa stivrii.
Ketil Zachariassen, Jonas Stein ja Rikke Gürgens Gjærum leat válljejuvvon sin gaskka geain lea bistevaš oahpahus- ja dutkiidvirgi. Dán joavkkus leat Rolf Anker Ims, Ole-Jakob How ja Margrethe Esaiassen várrelahttun.
Gaskaboddosaš oahpahus- ja dutkiidvirggiin lea Anders T. Hjertø Lind válljejuvvon stivrii. Dán joavkkus ii leat várrelahttu.
Teknihkalaš- ja hálddahusossodaga bealis lea Gunhild Guttvik nammaduvvon UiT stivrii, su várrelahttu lea Tone Osnes
Studeanttaovddasteaddjit
Studeanttat leat válljen guokte stivralahttu. Maren Iren Gåre Bakkevoll ja Ole Andreas Myhrer Smith galgaba ovddastit studeanttaid, sudno várrelahtut leaba Karoline Sveen ja Petter Nikolai Rønning.
UiT Norgga árktalaš universitehta stivra doaibmagoahtá borgemánu 1. beaivvi 2021 ja lea gustovaš gitta suoidnemánu 31. beaivái 2025.
