– Das lea buorre čoahkádus sohkabeliid, geográfalaš lávdama ja gávpotsámiid ektui, ja guokte fásta lahtu válljejuvvuiga ođđasis, dadjá sámediggeráđđi Juhána Biera Biret Márjá/Berit Marie P.E. Eira.
– Das lea buorre čoahkádus sohkabeliid, geográfalaš lávdama ja gávpotsámiid ektui, ja guokte fásta lahtu válljejuvvuiga ođđasis, dadjá sámediggeráđđi Juhána Biera Biret Márjá/Berit Marie P.E. Eira.
Sámediggeráđis leat stuorra vuordámušat vuorasolbmuidráđđái.
– Mun dieđán ahte ovddit ráđđi barggai áŋgirit ja mun jáhkán dát maiddái doaibmá áŋgirit, lohká sámediggeráđđi Berit Marie P.E. Eira Sámedikki preassadieđáhusas.
Boaresolbmot stuora resursan
Sámedikki vuorasolbmuidráđđi lea ráđđeaddi orgána Sámediggeráđđái ja veahkeha Sámedikki vuorasolbmuid politihka hábmemis. Vuorasolbmuidráđđi sáhttá maiddái ieš vuolggahit áššiid Sámediggeráđđái.
– Sámi servodahkii lea hui deaŧalaš ahte Sámedikkis lea vuorasolbmuidráđđi, go min boares olbmot leat stuorra resursan midjiide go jurddašit máhtu fievrrideami, historjjálaš fákta ja erenoamážit go jurddašit buriid dearvvašvuođafálaldagaid vuoras sápmelaččaide, dadjá Eira.
Buot listtat leat buktán evttohusaid ja leat ožžon juogo fásta dahje várrelahtu. Várrelahtut leat ráiddu mielde. Mii mearkkaša dan ahte eai leat persovnnalaš várrelahtut. Danne vai lea álkidit oažžut várrelahtu čoahkkimii jos fásta lahtut dieđihit heaibama.
Lahtut:
Jođiheaddji: Julie Eira, Guovdageaidnu, Oarje-Finnmárku
Ester Fjellheim, Sálašvággi, Romsa
Ingolf Kvandahl, Bálát, Nordlánda
Lars N. Brandsfjell, Brekkebygd, Trøndelága
Berit Ellen Varsi Nikkinen, Kárášjohka, Nuorta-Finnmárku
Várrelahtut:
Ingrid Jåma, Oslo, Mátta-Norga
Laila Somby Sandvik, Kárášjohka, Nuorta-Finnmárku
Inge Andersen, Lodet, Nordlánda
Jarl Even Roska, Unjárga, Nuorta-Finnmárku
Hans Eriksen, Deatnu, Nuorta-Finnmárku
