Laila Susanne Vars álgá Sámi allaskuvlla rektorin borgemánus, prorektorin lea Ylva Jannok Nutti válljejuvvon.
Gaskavahkku dievai jienastanáigemearri ja lea čielggas ahte Sámi allaskuvlla studeanttaid ja bargiid
eanetlohkku dorjot Laila Susanne Vars rektorin ja Ylva Jannok Nutti prorektorin, čállá Sámi allaskuvla iežaset neahttasiidduin.
Goappašagat leigga áidna kandidáhtat válggas.
– Sámi allaskuvlla bealis sávan Laila Susanne Varsii ja Ylva Jannok Nuttii lihku válgabohtosiin ja maiddái lihku doaimmaide maidda leaba válljejuvvon, lohká direktevra ja válgastivrra jođiheaddji Johan Ailo Kalstad.
Ođđa rektoráigodat álgá borgemánu 1. beaivvi ja bistá gitta suoidnemánu 31. beaivái 2023.
