Suoma Sámediggi vállje liigečoahkkimis ođđa komissáraid duohtavuođa- ja soabadankommišuvnnii.
Sámedikki stivra evttoha Sámedikki liigečoahkkimis ahte dievasčoahkkin nammada guokte ođđa komissára, nubbi ovddasta anárašgiela giellajoavkku ja nubbi fas davvisámegiela giellajoavkku.
– Sámediggi bivdá ahte sápmelaččat váldet oktavuođa Sámedikki lahtuiguin dahje ságajođiheaddjiguin, jus sis leat komissára evttohasat, čállá Sámediggi preassadieđáhusas.
Sámedikki čoahkkin mearridii doarjut sámiid duohtavuođa- ja soabadankommišuvnna barggu, ja válljet guokte komissára liige gáiddus dievasčoahkkimis. Čoahkkin lea plánejuvvon borgemánu 9. beaivái.
Suoma stáhtaráđđi ásahii Sámiid duohtavuođa- ja soabadankommišuvnna golggotmánu 28. beaivve 2021.
