Dál, go dálvi lahkonišgoahtá, de lea hui dehálaš válljet deahkaid main lea buorre coakci ja maiguin sáhtát guhkimusat vuodjit ovdal go nohket. NAF-magasiidna Mohtor lea čađahan iskosa makkár dálvedeahkat leat buoremusat ja sihkkareamos gáljan, Norgga geainnuid alde.
Dál, go dálvi lahkonišgoahtá, de lea hui dehálaš válljet deahkaid main lea buorre coakci ja maiguin sáhtát guhkimusat vuodjit ovdal go nohket. NAF-magasiidna Mohtor lea čađahan iskosa makkár dálvedeahkat leat buoremusat ja sihkkareamos gáljan, Norgga geainnuid alde.
– Jus lea eallinmokta, de vállje rievttes deahkaid, garvve daid buot hálbbimus «Kina-deahkaid». Dat čuohteruvnnut maid seasttát go oastát hálbbes deahkaid sáhttet šaddat divrrasin, dadjá Rune Korsvoll, gii lea máŋga jagi iskan deahkaid ja lea NAF-magasinet Motor nammasaš bláđi redakšuvdnahoavda.
Dálvedeahkat galget buot ovddimusat addit sihkarvuođa muohttagis ja gáljanis, ja dan seammás bures birget njuoska asfáltta alde.
Dán jagáš stuorra dálvedeahkkaiskama oktavuođas leat 12 piikadeahka ja gávcci piikkahis deahka iskojuvvon. Piikadeahkain lea Nokian nammasaš deahkka mii lea buot buoremus, nuppi saji juogadit Continental ja Hankook deahkat. Jus piikahis deahkaid áiggut oastit, de lea das maid Nokian deahkka buot buoremus, nubbin leat sihke Goodyear, Michelin ja Pirelli deahkat.
– Válljet dal piika vai piikahis deahkaid, de vállje dan mii heive du vuodjindilálašvuhtii buot buoremusat. Danin lea hui dehálaš gávdnat daid deahkaid mat leat buoremusat johtolatsihkkarvuhtii, dadjá Korsvoll.
Loga olles dálvedeahkkaiskosa birra dáppe:
https://www.naf.no/forbrukertester/dekktester/vinterdekktest-2015/
