Robohta galgá raporteret oanehaččat mii dáhpáhuvvá juohke fylkkas, mandáhtaid ektui. Dat galgá máŋgii válgaeahkeda ja ijas buvttadit oanehis stáhtusiid movt dilli lea.
Robohta galgá raporteret oanehaččat mii dáhpáhuvvá juohke fylkkas, mandáhtaid ektui. Dat galgá máŋgii válgaeahkeda ja ijas buvttadit oanehis stáhtusiid movt dilli lea.
NTB ođasfitnodagas lea válgabeaivvi ođđa mielbargi. Sis lea válgarobohta mii galgá gokčat stuoradiggeválgga. Dan dieđihit preassadieđáhusas.
Buvttadit eambbo unnit resurssaiguin
– Ođđa válgarobohta heiveha nu ahte mii sáhttit ieža buvttadit eambbo áššiid, ja sáhttit vuoruhit iežamet resurssaid vai min kundarat ožžot vel buoret gokčama válggas. Ovdal leat leamaš máŋga bargi dan barggus. Dál bargá válgarobohta akto, journalisttaid geahču vuolde. Dasto sáhttet min journalisttat dušše vuoruhit čállit válgaáššiid, lohká Magnus Aabech NTB ođasfitnodagas.
Bealleautomáhtalaš
Buvttadeapmi lea bealleautomáhtalaš. Dat mearkkaša ahte lea sierra journalista mii lohká fas áššiid maid rohbota čállá. Journalista oažžu álgočállosa man vuođul árvvoštallá almmuha go, rievdada go, vai bálkesta go ášši. Journalisttat leat ieža koden robohta.
Válgarobohta lea NTB siskkáldas prošeakta, masa sihke journalisttat ja ovddideaddjit leat searvan. Journalisttat leat oahppan kodet, ja prošeakta buktá máhttoloktema. Mihttun sis lea addit vel eambbosiidda vejolašvuođa bargat robohtajournalistihkain. Dássážii leat dušše leamaš automáhtalaš ođasáššit maid vuođđun lea statistihkka.
