Helga Pedersen lea nominerejuvvon Bargiidbellodaga presideantaevttohassan Sámediggeválggaide.
Helga Pedersen lea nominerejuvvon Bargiidbellodaga presideantaevttohassan Sámediggeválggaide.
Bargiidbellodaga válgalávdegottis lea leamašan čoahkkin gaskavahku gos ovttajienalaččat nominerejedje Sámepolitihkalaš konferánsii Helga Pedersena presideantaevttohassan ja Bjørn Inge Mo várrepresideantaevttohassan, čállá Sámedikke Bargiidbellodat preassadieđáhusastis.
Lávdegoddi maid nammadii Inga-Lill Sundset Bargiidbellodaga sámepolitihkalašráđi jođiheaddjin.
Gieskat searvvai
Helga Pedersen almmuhii gieskat ahte son áinnas searvvašii sámediggepresideantaevttohassan Bargiidbellodaga ovddas, boahtte jagi sámediggeválggain.
Pedersen lea ovdal leamašan guolástanministtar ja lea ain stuorradiggeáirras.
Golggotmánu 19. ja 20. beaivve lágiduvvo Bargiidbellodaga sámepolitihkalaš konferánsa Tromssas ja dan oktavuođas čađahit presideanta- ja várrepresideantaevttohas válggaid.
