Ávvira válgadebáhtta Lulli-Norgga stuorámus bellodagaid gaskkas: Odne eahkedis deaivvadit Norgga Sámiid Riikasearvvi Tor Gunnar Nystad, Sámeálbmot Bellodaga Ann Finbog ja Bargiidbellodaga Jørn Are Gaski Lulli-Norgga áššiid debatteret.
Sihke mánát, nuorat ja vuorrasat Oslos váillahit sámepolitihkkáriid áŋgiruššama. Dál dáhttot politihkkáriid, geat besset Sámediggái čavčča válggaid maŋŋel, bargat iežaset gieldda ássiid ovddas. Odne lágida Ávvir válgadebáhta Lulli-Norgga stuorámus bellodagaid gaskkas.
Otná debáhtas gulat mo Lulli-Norgga listonjunnošat áigot ollašuhttit gávpotsápmelaččaid vuordamušaid.
