-Almmuhus-
-Almmuhus-
-Almmuhus-
OĐĐASATVálgabohtosat dohkkehuvvon

Válgabohtosat dohkkehuvvon

-

-

Finnmárku fylkkagielda dieđiha ahte Stuorradikki válgabohtosat leat dohkkehuvvon. Ledje dušše smávva rievdadusat, muhto dat ii váikkuhan loahppabohtosiid.

Fylkaválgastivrra lea otne (maŋŋebárgga) dohkkehan Finnmárkku Stuorradikki válgabohtosiid. 39 381:s jienastedje ja 72,9 proseantta álbmogis oasálaste válggaide, lea veahá unnit go riikkadásigaskamearálaš lohku mii lea 78,12 proseantta čállá Finnmárkku fylkagielda.

 

Eanemus oasálastin

Unjárggas lei eanemus oasálastin fylkkas, oktiibuot 78,3 proseantta ássiin oasálaste Stuorradiggeválgii. Muosát gielddas lei unnimus oassálastin, dušše 63,8 proseantta ássiin jienastedje.

 

Dát besse Stuorradiggái

Sii geat galget ovddastit  Finnmárkku Stuorradikkis boahtte njeallje jagi leat:
Runar Sjåstad (bargiidbellodat), Ingalill Olsen (bargiidbellodat), Bengt Rune Strifeldt (ovddádusbellodat), Geir Adelsten Iversen (guovddášbellodat) ja Frank Bakke Jensen (olgešbellodat).

-Almmuhus-