Politiijat leat čađahan dárkkistemiid Girkonjárggas ja guokte olbmo leat váldon narkotihkain ja čiežas fas sáhkohalle alla leavttu geažil.
Finnmárkku politiijat dieđihit Twitteris ahte sii leat gaskavahku váldán guokte olbmo giddagassii Girkonjárggas.
Politiijat várohit guoktása geavahan narkotihka, hášša ja amfetamiinna.
Politiijat váidet ášši.
Seamma beaivve čađahedje politiijat johtolatdárkkisteami Girkonjárggas.
7 biilavuoddji sáhkohalle go vudje menddo alla leavttuin.
Leaktomearri báikkis lea 70 kilomehtera diimmus ja alimus leaktu dárkkistuvvui politiijain 90 kilomehtera diimmus.
