Almmái galgá leat suoládan stuora supmásaš bargoreaidduid fitnodagas.
Politiijat válde gaskavahku iđida gitta ovtta albmá, gii sivahallo leat rievidan muhtin fitnodaga Álttás.
Almmái galgá leat badjelaš 30-jahkásaš.
Vistti siste go válddahalai
Finnmárkku politiijaguovllu operašuvdnajođiheaddji Jan Olav Schjølberg dieđiha iFinnmarkii ahte almmái galgá leamaš fitnodaga visttis go váldojuvvui gitta, ja ahte politiijat dán geažil iskagohte lea go mihkke suoláduvvon.
Politiijat dieđihit ahte leat oahppásat albmái ovdalaččas.
Stuora supmiid ovddas áiggui suoládit
Sullii 09:20 ođasmahttojuvvui diehtu rievideami birra Finnmárkku politiijaguovllu Twitter neahttasiiddus.
Go politiijat iske ášši, gávnnahuvvui ahte almmái lei váldán olu bargoreaidduid fitnodaga visttis, mat oktiibuot leat stuora supmásaš reaiddut.
Almmái váldojuvvo gažadeapmái.
