Girona gielda dieđiha ahte sii váldet eanet koronaiskosiid Gárasavvona boarrásiid siiddas, maŋŋel go sihke bargit ja vuorasolbmot leat buohccán koronadávdii.
Gárasavvona boarrásiid siiddas lea golmma vuorasolbmos duođaštuvvon koronadávda. Ovttas boarrásiid siiddas leat dávdamearkkat, ja golbmasis eai leat dávdamearkkat.
Koronaiskosiid leat váldán mánnodaga, ja sii leat dal vuordime bohtosiid.
Gávcci dervvašvuođabargis «Videgården» nammašas boarrásiid siiddas Gárasavvonis lea dieđihuvvon koronadávda.
Boarrásiid siiddas Gárasavvonis leat maid iskan sadjásaš bargiid mánnodaga, ja sii vurdet dal bohtosiid buot iskosiin.
Girona gielda dieđiha maid ahte dikšun boarrásiid siiddas doaibmá dan dilis, ja ahte sis leat doarvái sadjásaš bargit.
