Ovddeš riikkajoavkočiekči gal váillaha muhtimiid dán jagáš sámi riikkajoavkkus.
Ovddeš riikkajoavkočiekči gal váillaha muhtimiid dán jagáš sámi riikkajoavkkus.
FA Sámi riikajoavkku jođiheaddjit almmuhii ikte sin namaid geat besset ovddastit Sámi Conifa World Football Cup čiekčamiin. Vuosttaš háve dát čiekčamat lágiduvvojedje Lulli-Sámis Staares 2014:s. Roy Arild Rasmussen čievččai 2003 rájes gitta 2014:i Sámi ovddas.
Váillaha soapmásiid geat ledje Staares
Rasmussena mielas almmuhuvvon listtus váilot muhtin namat ja namuha čikčiid nugo Frank Ole Vars, Jon Andreas Eira ja Dag Andreas Balto.
– Dieđus, in dieđe lei go jerron sis, muhto Staares ledje buorit čiekčit ja gávdnojit maiddái nuorra čiekčit geat sáhtáše leat buorrin jovkui.
Roy Arild Rasmussena lohká iežas ollu vásihan go lea čiekčan Sámi ovddas iešguđet ge čiekčamiin. Danin jáhkká nuoraide searvat dakkáraš čiekčamiidda livččii ávkin.
– Nuorra čiekčit sáhtáše oahppat ja vásihit ollu dakkár čiekčamiin. Beare dan ahte čiekčat dáid gaskkas geat leat buorit lea jo mávssolaš, oaivvilda son.
(Ášši joatká gova vuolábealde)
Mielde leat ollugat geat heaitán čiekčamis
– Joavku, mii vuittii dalle Staares, de dán joavkkus (Nissa FA Frankriikkas – Ávvir) ledje ollu čiekčit mielde geat ovdalaččas čikče alla dásis, muhto vulge Staarii go eai čiekčan šat alla dásis. Nu ahte dán dáfus soaitá buorrin go dán jagi riikajoavkkus leat čiekčit geat leat heaitán čiekčamis aktiivvalaččat, čilge Sámi riikajoavkku ovddeš čiekči.
Almmuhuvvon riikajoavkkus leat oktiibuot 19 čiekči. Dáid gaskkas leat viđas geat leat heaitán čiekčamis.
– Mu dieđuid mielde guovttis eaba leat nu áigá heaitán čiekčamis. Soai dieđus sáhttiba leat buorit, lohká Rasmussen.
– Ii oainne váttisvuohtan
FA Sámi presideanta Håkan Kuorak lohká NRK Sápmái ahte Sámis lea buorre riikajoavku mii searvá Conifa čiekčamiidda Abkhasias miessemánu loahpas gitta geassemánu álgui.
Kuorak ii oainne váttisvuohtan dan go vihtta čiekči, mat leat váldon mielde, leat heaitán aktiivvalaččat spábbačiekčin. Kuorak maiddái čilge ahte gáibádus spábbačikčiide, geat besset mielde, ahte sáhttet dieđihit sámedikkiid jienastusloguide, ja dan jáhkká buot čikčiid dahkat.
(Ášši joatká gova vuolábealde)
Ráiddočiekčamat váikkuhit
Rasmussen árvaladdá ahte Sámi aktiiva čiekčit, geat sáhtáše leat mielde riikajoavkkus, eai vuolgge danne go leat alla dási ráiddočiekčamat jođus.
– Árvideames sii geat čikčet alla dásis eai sáhte vuolgit ráidočiekčamiid geažil. Muhto in dieđe leat go jerron, lohká son.
Sámi riikajoavku Conifa máilmmi spábbačiekčan cupas 2016 lea:
Alexander Ellingsen
Andreas Mortensen
Øyvind Garfjell
Jon Steinar Eriksen
Michael Santana
Tom Karlsen
Erik Bertelsen
Jirijoonas Kanth
Samuli Laitila
Lars Iver Strand
Morten Moldskred
Hans Åge Yndestad.
Tobias Stein Eilertsen
Hans Åge Yndestad
Mikael Jannok
Jörgen N Jerijervi
Johan Bergkvist
Stein Arne Mannsverk
Jarkko Lahdenmäki
Per Anders Pokka
Per Jon Huuva