-Almmuhus-
OĐĐASATVáillaha fylkadiggeevttohasaid

Váillaha fylkadiggeevttohasaid

-

-

Olggobealde válgaviesu Kárášjogas ii oidnon oktage fylkadiggeevttohas geaid jienasteaddjit, nu go Sverre Somby, livčče sáhttán jearralit ovdal go manne jienastit.

 

Kárášjoga servodatviesus lea válgaviessu ja okta nubbi olmmoš ain boahtá jienastit. Kárášjohkalaš Sverre Somby ohcala Finnmárkku fylkadikki evttohasaid, Bargiidbellodaga Ragnhild Vassvik, Guovddášbellodaga Anne Toril Eriksen Balto ja Gurutbellodaga Nils Nilsen Gaup. Boahtá olggos jienastusviesus.

– Mun gal in jienastan ovttage fylkadiggái. Dáppe ii oidno oktage gii lea evttohuvvon fylkadiggái. Mus livčče lean gažaldagat, muhto go eai leat dás, de in sáhte jearrat ja danin in jienastan ovttage, lohká Sverre Somby.

 

– Vuolggán fargga 

Bargiidbellodaga Ragnhild Vassvik, nubbin listtus, muitala iežas leat ruovttus veahá bargamin huksenhommáin.

 – Mun ledjen ikte márkanis. Dál vuolggán fas dohko fargga. Muđui lea oktasaš válgagohcin Šaldi kaféas guovdu márkana, lohká Ragnhild Vassvik.

Kárášjoga sátnejođiheaddji, nubbi Guovddášbellodaga fylkkadikkelisttus, ii vástidan.

– Ii leat lohpi válgaviesu lagabui 200 mehtera čuožžut, olbmuid hálahit iežas bellodaga jienastit. Mun lean dál Šaldi kaféas. Geaidnoguoras čuožžu hirbmat diehtogalba «Valgkafe», lohká ges Nils Nilsen Gaup.

 

-Almmuhus-