*/
Guovdageainnu Guovddašbellodat nubbin evttohas suohkanstivrii Nils Mikkelsen Sara oaivvilda dohkkehit váikkuhusguorahallama Biedjovákkis gievrudivčče suohkana beroštumiid, danne go son lea ieš vásihan man buorre dákkár guorahallan sáhttá leahkit.
*/
Guovdageainnu Guovddašbellodat nubbin evttohas suohkanstivrii Nils Mikkelsen Sara oaivvilda dohkkehit váikkuhusguorahallama Biedjovákkis gievrudivčče suohkana beroštumiid, danne go son lea ieš vásihan man buorre dákkár guorahallan sáhttá leahkit.
Guovddášbellodaga nubbin evttohas suohkanstivrii Nils Mikkelsen Sara leat alddis vásáhusat ahte ovtta váikkuhusguorahallamis sáhttá boahtit ovdan ahte leat nu stuora vahágat guovllus ahte doaibmá ii álggahuvvo.
*/
Ieža dáhtto guorahallama
Sara lea boazodoalli Sállanis, ja moadde jagi áigi áiggui bieggamillofitnodat álggahit doaimmaid sin orohagas.
– Mii gáibideimmet ieža váikkuhusguorahallama doaibma álggaheaddjis. Mii leimmet gullán ahte ruvke-, bieggamillo-, dahje eará doaibma álggaheaddjit sáhttet diŋgot ja ieža mearridit váikkuhusguorahallama bohtosiid. Danne bijaimet premissaid ja dáhtuimet čađat gulahallat doaibma álggaheddjiin váikkuhusguorahallan bargguin, lohká son.
Boađus váikkuhusguorahallamis čájehii ahte bieggamillo plánat min orohagas livčče hirbmadit vahágahtten boazodoalu.
– Danne lei gáibidit váikkuhusguorahallama buoremus maid sáhtiimet dáhkkát, go dat gievrudii min ášši oba ollu, lohká Sara.
Guovddašbellodagas lea prográmmas lohpidan ahte galget doarvái fápmolinját lasihit bieggamillohuksemiid Finnmárkkus. Iigot dat šatta vuostálaga du oaiviliin?
– Dat ii šatta, go mii leat min orohagas dohkkehan ahte bieggamillofitnodat sáhttá hukset logi bieggamillo. Dieđusge eat sáhte caggat buot ovdáneami servvodagas, ja dohkkehit bieggamilluid vahágahtte unnibut go ovdamearka dihte bartafealta, mii maid lei plánejuvvon orohahkii. Dasa lassin bieggamilluin han lea bieggamilluin ávki servvodahkii go dat buktá elrávnnji, lohká son. Sara dieđuid mielde ii ožžon bieggamillofitnodat konsešuvnna Oljo- ja energiijadepartemeanttas hukset eará go njeallje bieggamillo.
Eai mielas ruvkii
Sara mielas Guovdageainnu suohkanstivra, mii ovdal lea hilgon váikkuhusguorahallama Biedjovákkis, sáhtášii bidjat premissaid ja dainnalágiin baicca nannet suohkana beroštumiid. Guovddášbellodaga sátnejođiheaddji evttohas Inga J. Eira, lea áibbas ovttaoaivilis bellodatustibiin, muhto deattuha ahte ii Guovddašbellodat iige son leat mielas ruvkkiide ja luonddu billisteapmái.
– Mii Guovddášbellodat gal lea mielas váikkuhusguorahallamii, go dan bohtosiin sáhtášii oažžut ođđa dieđuid ja návccaid, lohká son.
