Guovdageainnu Ovddádusbellodaga vuosttaševttohas Nils Mathis O. Hætta lohká ruvkeášši leat deháleamos válgaáššin.
Guovdageainnu Ovddádusbellodaga vuosttaševttohas Nils Mathis O. Hætta lohká ruvkeášši leat deháleamos válgaáššin.
Ovddádusbellodaga vuosttaševttohas Nils Mathis O. Hætta suohkanválggain Guovdageainnus lea vástidan Ávvira gažaldagaide, mas jerro makkár áššiid atná deháleamosin suohkanválggaid oktavuođas.
– Oažžut váikkuhusguorahallama dáhkkot vejolaš ruvkedoibmii Bidjovákkis lea deháleamos ášši munnje, lohká Hætta.
Ávvir lea jearran golbma gažaldaga buot listo- ja bellodatnjunnošiin:
1. Makkár ášši anát don deháleamos válgaáššin din suohkanis?
2. Mii du oaidnu lea dan áššis?
3. Mat leat du váibmoáššit?
Nuppi gažaldahkii vástida Hætta:
– Dáhton váikkuhusguorahallama čielggadan dihte makkár buorit ja heajos bealit vejolaš ruvkedoaimmas Bidjovákkis, leat. Makkár váikkuhusat das leat suohkanii, boazodollui, guolásteddjiide, bivdui, meahcástallamii, Bidjovákki geidnui ja diehttelasat maid makkár váikkuhusat dákkár doaimmas leat Guovdageainnu fitnodagaide, ealáhusdollii ja bargosajiide.
– Mu váibmoáššit leat Biddjovággi, opmodatvearru, bargosajit ja bargguhisvuohta, dearvvašvuođabálvalusat ja girdišillju, lohká Hætta
