Maŋŋel musihkkabingo lágideami Verftet olgobáikkis Hársttáin gos covid-19 leavvagođii maŋŋel lágideami juovlabasiid, lea suohkan mearridan váidit olgobáikki eaiggáda.
Lea fitnodat STB Service AS mii jođiha olgobáikki mii dál lea váidon go čuoččuhuvvo ahte ii leat čuvvon njuolggadusaid mat gusket njoammuneastadanláhkii, dieđiha Hársttáid suohkan preassadieđáhusas iežaset neahttasiiddus gaskavahkku maŋŋelgaskabeaivvi.
Duogáš váidagii lea go navdet 18 olbmui njommon covid-19 dávdda doaluin mat lágiduvvojedje juovlamánu 29. beaivvi Verftet olgobáikkis. Oktiibuot lea 57 olbmos duođaštuvvon covid-19 Hársttáin dál, ja 312 olbmo galget leat lagasoktavuođat olbmuin geat ledje dáin doaluin, suohkana dieđuid mielde.
Suohkan oaivvilda ahte leat golbma láhkarihkkuma njoammuneastadannjuolggadusain mat eai leat čuvvojuvvon lágideamis – nu go galle olbmo leat siste, man guhkkálaga olbmot leat ja lágideapmi doaluin.
– Eai leat bealit mat čujuhit ahte láhkarihkkun lea leamaš njoammuneastadannjuolggadusain, muhto leat máŋga beali mat muitalit ahte lágideaddji lea ráŋggáštusvuloš ávvirmeahttumis vuogi mielde lágidan doaluid, lohká suohkanadvokáhtta Kristian Fredheim. (©NTB)
