-Almmuhus-
-Almmuhus-
KULTUVRAVáidán lullisámegiela Norge Rundt ráiddus

Váidán lullisámegiela Norge Rundt ráiddus

-

-

NRK prográmmaráđđi galgá meannudii duorastaga vihtta váidaga mat leat boahtán go prográmmajođiheaddji sámásta.

Vaino Rensberg lea vuosttaš Norge Rundt fuolaheaddji gii lea jođihan sáddaga lullisámegillii.

Son lea čavčča láidestan prográmma, muhto dál lea su áigodat prográmmafuolaheaddjin nohkan.

 

Vihtta váidaga

NRK Sápmi dieđiha ahte duorastaga galgá prográmmaráđđi meannudit vihtta váidaga mat leat boahtán su áigodagas fuolaheaddjin.

Váidagat leat go son hupmá lullisámegiela sáddagis.

– Leat unnán váidagat, ja dat bohte álggus su áigodaga. Jurddašan dát čájeha ahte gierdevašvuohta giela ektui lea šaddan buoret, lohká Thor Gjermund Eriksen, NRK hoavda.

Son lohká maid ahte ii leat maŋemuš háve go sámegielat láidesta Norge Rundt sáddaga.

-Almmuhus-